Türk Dövlətləri Fintex Alyansı (TÜRKFİN) Türkiyə, Azərbaycan, Qazaxıstan, Qırğızıstan və Özbəkistanda fintex sektorunda fəaliyyət göstərən qurumlar arasında əməkdaşlığı gücləndirmək məqsədilə yaradılmışdır. Alyans rəqəmsal maliyyə xidmətləri sahəsində təcrübə mübadiləsini, birgə tədbir və layihələrlə regional fintex ekosisteminin və elektron ticarətin inkişafını dəstəkləyir.

TÜRKFİN, 9 oktyabr 2024-cü ildə İstanbulda imzalanan əməkdaşlıq protokolu ilə rəsmi olaraq fəaliyyətə başlamışdır.

TÜRKFİN-in təsisçi üzvləri Türkiyə Ödəniş və Elektron Pul Təşkilatları Assosiasiyası (TÖDEB) və Azərbaycan Fintex Assosiasiyasıdır (AzFina). Alyansın digər üzvləri Qazaxıstan Ödəniş Təşkilatları Assosiasiyası, Qırğızıstan Elektron Ticarət Assosiasiyası və Özbəkistan Fintex Assosiasiyasıdır.

İlk üç ildə İdarə Heyətinin sədrliyini TÖDEB, sədr müavinliyini isə AzFina icra edir. Həmçinin Baş Katiblik də bu dövrdə TÖDEB tərəfindən həyata keçirilir. TÜRKFİN fəaliyyətini üzv ölkələrin qanunvericiliyinə və imzalanmış protokola uyğun şəkildə qurur.

TÜRKFİN-in əsas məqsədləri:

• Türk dövlətləri arasında fintex sahəsində əməkdaşlığın gücləndirilməsi
• Ödəniş, elektron pul və maliyyə sahələrində birgə tədbirlərin təşkili
• Təlim və təcrübə mübadiləsinin həyata keçirilməsi
• Qanunvericilik və tənzimləmə sahəsində məlumat mübadiləsi
• Üzv ölkələr arasında rəqəmsal və iqtisadi inteqrasiyanın dəstəklənməsi
• Birgə layihələrin həyata keçirilməsi

Təsisçi üzvlər:

• Türkiyə Ödəniş və Elektron Pul Təşkilatları Birliyi

https://www.todeb.org.tr/

• Azərbaycan Fintex Assosiasiyası

https://azfina.az/

İştirakçı üzvlər:

• Qazaxıstan Ödəniş Təşkilatları Assosiasiyası

https://aspo.kz/

• Qırğızıstan Respublikası E-Ticarət Assosiasiyası

• Özbəkistan Fintex Assosiasiyası

https://fintech-association.com/