Azərbaycanın ilk kriptovalyutası Portcoinin təqdimatı keçirildi

Blockchain Meetup 2025 Vol.1 çərçivəsində keçirilən tədbirdə Portmanat şirkətinin təsisçisi Telman Axundov tərəfindən yeni kriptovalyutanın üstünlükləri haqqında məlumat verildi.

İstifadəçilər Portmanat elektron pulqabı vasitəsilə kriptovalyuta alqı-satqısı həyata keçirə bilərlər və eyni zamanda, xarici kriptovalyuta cüzdanlarındakı vəsaitləri Azərbaycan manatına konvertasiya edə bilərlər.

Qeyd etmək lazımdır ki, PortCoin kriptovalyutası 2024-cü ilin noyabr ayından etibarən Azərbaycan Mərkəzi Bankının nəzarəti altında xüsusi tənzimləmə rejimi (sandbox) çərçivəsində testdən keçirilir.

Tədbirdə Mərkəzi Bank, AzFina və maliyyə sektorunun bir çox nümayəndələri iştirak edib.