Azərbaycan Respublikasının İqtisadiyyat Nazirliyi tərəfindən "Rəqəmsal İqtisadiyyat Strategiyasının hazırlanması" layihəsi çərçivəsində Azərbaycan Fintex Assosiasiyasının üzvləri ilə McKinsey & Company şirkəti arasında onlayn görüş keçirilmişdir. Görüş zamanı ölkədə fəaliyyət göstərən fintexlərin rəqəmsallaşma səviyyəsi, bu sahədə olan çətinliklər, aparılan layihələr, əldə olunan nəticələr, həmçinin fintexlərin fəaliyyətlərini genişləndirməsi üçün mövcud gözləntiləri və digər mövzular ətrafında fikir mübadiləsi aparılmışdır.
